ភ្នំពេញត្រូវការភ្លើងអគ្គិសនីជាង ១០០០មេហ្គាវ៉ាត់ ស្មើនឹងពាក់កណ្ដាលនៃប្រើប្រាស់អគ្គិសនីសរុបក្នុងប្រទេស
ពោធិ៍សាត់៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានថ្លែងថា បច្ចុប្បន្នកម្ពុជាត្រូវការអគ្គិសនីប្រមាណជាង ២ពាន់មេហ្គាវ៉ាត់ក្នុងមួយថ្ងៃ ក្នុងនោះផ្គត់ផ្គង់ដល់រាជធានីភ្នំពេញជាងពាក់កណ្ដាលដែលស្មើនឹងជាង ១ពាន់មេហ្គាវ៉ាត់។
សម្ដេចតេជោថាភ្នំពេញមានតម្រូវការច្រើនដោយសារតម្រូវការកើនឡើងនៃអាគារខ្ពស់ និងការប្រើប្រាស់បច្ចេកវិទ្យាច្រើនដើម្បីសម្រួលការលំបាករបស់ពលរដ្ឋ។
សម្ដេចតេជោ ហ៊ុន សែន ថ្លែងបែបនេះក្នុងពេលជួបសំណេះសំណាលជាមួយពលរដ្ឋដែលទទួលសំណងពីផលប៉ះពាល់ទំនប់វារីអគ្គិសនីស្ទឹងពោធិ៍សាត់១ ស្រុកវាលវែង ខេត្តពោធិ៍សាត់ ព្រឹកថ្ងៃទី១៤ ខែមីនា ឆ្នាំ២០២៣នេះ៕
